جريدة أحوال مصر
نقش قلمنا قلوب
رسمها صورها
عبر عن المحبوب
وحكايته فسرها
حكالنا ع المكتوب
جوه عيون شاردة
وجعها جرح ويادوب
سكينته كات باردة
حكالنا عن احزان
مُرة وعشناها
عدى عليها زمان
وحلفنا ننساها
لقيناها محفورة
وقلوبنا مأواها
رسم كمان احلام
حلوة حلمناها
اخدنا فيها بطولة
مقدرنا ننساها
سجل كمان افراح
فى جنب ع الهامش
بمساحه بسيطة كانت
حرفين قلم طايش
صاحبها كان موجوع
لكنه كان عايش
كتب كمان دعوات
مرفوعة للرحمن
يقينها هو اجابة
مليانة بالايمان
من قلبى بكتب أنا
تحية للأقلام
