(وبعد الطوفان) يتسأل : هل سيظل الفساد معششا بين الجدران ؟

اقيم الاسبوع الماضي العرض الخاص لفيلم (وبعد الطوفان ) باحدى سينمات القاهرة بعد تأجيل استمر قرابة 3 سنوات بعد قيام ثورة 25 يناير

يدور الفيلم حول الفساد الذي استشرى في المجتمع هل نتيجة نظام فاسد ام تحول النظام الى كل المواطنين واصبح جزء منهم وتخلى الشعب عن ضميره الشخصي سواء كان مدرس او موظف او مهندس او طبيب او ضابط شرطة فالبطلة طبيبة نفسية تحاول اثبات ذلك على شخصية الوزير والتي علميا يستحيل انه ينتحر من وجهة نظرها ففي النهاية انتصر النظام على نظرياتها العلمية رغم قيام الثورة التي حلمت وفرحت بها وهي في الغربة

(وبعد الطوفان ) بطولة : حنان مطاوع و احمد عزمي وريهام حجاج وهبة مجدي وايمان سلامة ومجدي بدر ورباب ممتاز وحمادة بركات ، وضيوف شرف الفيلم : هالة فاخر وصبري عبد المنعم ومها ابو عوف ووليد فواز ، وهو من انتاج فينكس فيلم -اشرف حامد- وفيبريشن للنتاج السينمائي – محمد عبد الخالق – وتوزيع الشركة العربية ومن تأليف واخراج / حازم متولي

يكحي الفيلم عن طبيبة نفسية مقيمة بانجلترا تعود الى القاهرة لدراسات حالات الفساد في مصر لرسالة الدكتوراة التي تحضرها وذلك بعد تخلي الرئيس مبارك عن السلطة في مصر وتتعرف على مجموعة من الشباب الثوري بالاسكندرية وتبدأ معهم مشوار البحث عن نشأة وزير الداخلية حبيب العادلي او كما سميى بالفيلم (رفيق الطيب) والتي تكتشف له ماضي ملوث منذ الطفولة وان القتل عنده اصبح مهنة وانه ابدل كل حياته لكي يستطيع دخول كلية الشرطة فقام بتغيير اسمه وعائلته فبعد ان كان اسمه (عوض محمد بدر) اصبح (رفيق هشام الطيب) وتحاور كل من عايشه التجربة سواء زميل الاحداث او اخته او عشيقته ، وفي النهاية تصل له في سجنه ولكنه ينتحر !!

حضر العرض الخاص كلا من الفنانين : سهير المرشدي ودكتور / سناء شافع واياد نصار ومدير التصوير / رمسيس مرزوق والشاعر / يوسف القعيد ومحمد العمروسي ودانا السيسي وفادي غالي  ومحمد علي  ورباب ناجي ومروة عبد المنعم وزوجها وهدى هاني ، والاب / بطرس دانيال ، والاعلامي / اسامة منير الذي بدى بمظهر غريب يغلب عليه الكبر والمرض

وقبل بدء العرض قمنا باجراء بعض الاحاديث الصحفية مع ابطال الفيلم كالتالي :

تحدثت حنان مطاوع وقالت : انا بلعب دور بنت مصرية عايشة في لندن بتيجي مصر بعد تنحي الرئيس الاسبق وبتعمل رسالة الدكتوراة بتعاتها عن الفساد السياسي في الفترة دي ، وبتقابل مجموعة شباب على رأسهم النجم / احمد عزمي وهبة مجدي وريهام حجاج وبيعانوا من مشاكل كتيرة جدا في الشارع المصري من فترة السبعينيات وحتى الفترة الحالية  ، وعن البطولة الثالثة لها قالت : انا سعيدة بالعمل ده بغض النظر انا فيه بطلة او لأ ، لانه كلمة مهمة بتتقال في فترة مهمة من تاريخ مصر ورغم انه فيلم تجاري الا انه فيلم مهم بيقول كلمة جميلة في حقنا كلنا في الفترة دي وشرف لي اني اشتغلت فيه ، وعن تأجيل نزول الفيلم لمدة 3 سنوات قالت : المهم انه نزل خلاص ، بس ظروف الشارع اصبحت اسخن واسرع من الدراما اللي بتتقدم بس لما بتعمل حاجة بجد اوي حتى لو الناس ما عجبتهاش النهاردة بس هتتذوقها وتفهمها وتحبها بعدين ، عشمي كبير في الله وفي الناس ان الفيلم يعجب السادة المشاهدين في دور العرض وكما عند عرضه في التلفزيون ، وعن تعاملها مع المخرج / حازم متولي قالت : مبسوطة جدا اني اشتغلت معه وهو عشرة ميدان ايام الثورة 18 يوم مع بعد في التحرير وهو فنان حساس جدا وعنده قدرة انه يقرأ الناس ويعرف مشاعرهم وده خلاه رقيق جدا وحقيقي وهو بيكتب السيناريو بتاع الفيلم ، وعن جديدها قالت : مسلسل (دهشة ) بعد النجم الكبير استاذ / يحيى الفخراني ولي الشرف اني اشتغل معه وهو من اخراج ابنه / شريف الفخراني

اما مخرج الفيلم / حازم متولي فقال : انا قمت باعادة تصوير المشهد الاخير تاني لاسباب هندسية وليس كما قيل اني غيرت في السيناريو بعد تغيير النظام لان السيناريو مش مرتبط بالعميلة السياسية لانه مرتبط بحياة الناس وهمومهم هما بعد الثورة وتأثرهم بها واحلامهم اللي ماتت ، وعن اخر اعماله في رمضان الماضي مسلسل (فض اشتباك ) قال : انا والمنتج / احمد نور اخرجنا العمل سويا بس كان كتابتي وكنت حابب الفكرة جدا ، والحمد لله الناس تابعت المسلسل كويس وبالنسبة لي مادام انا صدقته اكيد الناس هيصدقوه ، وممثلين المسلسل بقى يتنادى عليهم باسماء الشخصيات فاكيد ده باسطني ، وعن ايهما يفضل السينما ام التلفزيون اجاب بكلمة واحدة : السينما طبعا

وصرحت ريهام حجاج وقالت : انا طالعة في الفيلم بنت ثورجية هتتصاب في عينها في المظاهرات ، وعن نزولها في المظاهرات في الحقيقة قالت : اكيد بشارك في المظاهرات اللي تتناسب مع افكاري وفي الاول والاخر دي بلدنا وكلنا يهمنا انها تتبني من اول وجديد وان شاء الله هاشارك في الاستفتاء على الدستور وهاقول : نعم ، وعن تأجيل الفيلم قالت : مش خايفة عليه لان لو ربنا كاتب له النجاح هينجح ، وعن اعمالها في رمضان الماضي قالت : انا اشتغلت مع استاذ / جمال سليمان مسلسل ( نقطة ضعف ) وهي تجربة بعتز بيها جدا ، وفي سيت كوم (احلى ايام )  كان تجربة شبابية وكنا بنروح نلعب في اللوكيشن ، وعن جديدها قالت : مسلسل (الحكر) مع استاذ / احمد صقر وطالعة فيه بدور بلدي وهو بطولة : فتحي عبد الوهاب وهلا شيحة ، ومسلسل (رجل الغراب) الماخوذ عن مسلسل الامريكي (اجلي بيتي) – بيتي القبيحة – وطالعة فيه صاحبة بيت ازياء وهو بطولة : ايمي سمير غانم

واخيرا تحدثنا مع مفاجأة الفيلم الفنانة الشابة / ايمان سلامة والتي ذكرت : انا مبسوطة جدا ان الفيلم نزل بعد فترة طويلة بس برضوا توقيته دلوقتي كويس ، وانا مبسوطة اني شاركت في فيلم بيحكي عن الثورة اللي حصلت في مصر وتحديدا الاحداث اللي حصلت بعد الثورة من بلطجة في الشوارع وتسيب الامن وانا بلعب دور بنت اسكندرانية اسمها (توحة) وانا حبيته وهو مكتوب على الورق بجد وانا في حياتي بحب الشخصية الي شبه توحة البنت الجدعة بنت البلد اللي بتقف جنب الناس اللي بتتحدى اي حد مهما كان وهي في الفيلم بتتحدى شخصية ( رنجة ) البلطجي اللي عايز يتزوجها بالعافية وتقهر الظلم اللي عايشة فيه وبتتمرد على حالها ، مبسوطة اني عاملة الشخصية دي وخصوصا ان الناس دائما مابتشفنيش غير في ادوار البنت الطيبة البرئية ، وعن المشهد الرئيس لها في الفيلم والذي حاز اعجاب الجماهير وهو مشهد الردح للبلطجي قالت : والله يرجع الفضل فيه للمخرج / حازم متولي لانه هو اصلا اسكندراني وهو من عشاق اسكندرية وعارف اوي ولاد البلد هناك بيتكلموا ازاي وبيتصرفوا ازاي ، واتكلمت معه وقالي هي بنت جرئية بتساعد الناس مابتخفش فاتحة صدرها للدنيا وحتى الالفاظ يعني ايه ( شأط جمنة ) فكان لازم افهم انا بقول ايه والحفظ مفهوش مشكلة والحمد لله قدرت اغير من جلدي في الفيلم ده ، وعن اعمالها التلفزيونية قالت : انا بعمل عمل واحد في السنة في التلفزيون عشان ماتحرقش لاني بحب السينما اكثر ولو ان الفرق مبقاش موجود بين الاتنين

يذكر ان فيلم (وبعد الطوفان ) قد فاز بجائزة يوسف شاهين في مهرجان الرباط السينمائي بالمغرب عام 2012