جريدة أحوال مصر
يعنى ايه كلمة بحبك
وايه اللى يثبت حبى عندك
قلبى يهمس شوق بشوق
نفسى اكون طول وقتى جنبك
يعنى لما اصرخ قبالك
شوفت مين ومين نادالك
واما تذكر اســم واحدة
ازعل اوى ولا اعديهالك
يعنى ايه كلمة بحبك
وايه اللى يثبت حبى عندك
يعنى تغيب ازعل اوى
والمح ملامحك فى الغياب
ومع ابتسامتك انطوى
اضحك معاها بدون حساب
يعنى ايه كلمة بحبك
وايه اللى يثبت حبى عندك
يعنى المحك كده من بعيد
تضحك عيونى ونبضتى
وقلبى يحضن بسمتك
وعنيك تشارك فرحتى
يعنى ايه كلمة بحبك
وايه اللى يثبت حبى عندك
هى دى كلمة بحبك
من حنانك نبض قلبك
زى ما علمتها لى
و اللى عاشها قلبى جنبك
