جريدة أحوال مصر
روحى تايهة وقلبى خالى
يتنـــقل ما بيـــن وبيـــن
شافها عدت يوم قبالى
داب ساعتها بنظرتين
كان كتير بيمر جنبــى
يعدى ولا يترك أثـــر
الا بيـهــا حَــس قلبى
بعد ما بالشوق كفـــر
عَلِمــِتْ بحنانها قلبى
ازاى يكون للعشق روح
عَلِمـِتْ بهواها عينى
الابتسام وازاى تبوح
هى دى روحى وحياتى
هى دى أجمل علامه
اللى بيها خـَــط قلبى
معنى كلمة استقامة
خـَــدْ هوايا وراح معاها
لحضنها وداب بابتسامة
