جريدة أحوال مصر
عزيزي المنتمي للفلول ..
عارف انك اتعودت تاخد حق غيرك وانت مسوط
عارف انك اتعودت تقف في الممنوع وبكل بجاحة تقول لضابط المرور انا فلان وضد القانون
عارف انك اتعودت تكلم فلان او علان علشان يستناك في المطار وانك بتفرح بنفسك واجراءاتك تخلص من غير طابور وفي ناس مريضة ومسنين واقين في الطاور وكان احساسك توقف
عارف انك اتعودت ان يكون عندك المال ونسنخدم معارفك او مكانك ومنصك انك تلحا تاخد شقة في المحافظة علشان تتاجر فيها وناسي ان في شبابا بييعوا انفسهم علشان عشة ومش عارفين
عارف انك ابل ماتروح تخلص اي مشوار لازم تتصل باي شخص يسهلك متطلباتك ومش مشكلة اللي بيلف الدنيا علشان يخلص مصلحة
عارف انك اتعودت ان يكون معاك المال وتستخدم معارف في وتتعالج علي حسا واحد غلبان مش لائي حتي الطعام
عارف انك اتعودت انك تشغل اولادك في اي مكان لك فيه معارف وياخده حق شاب غلبان بشغله ممكن يعيش معاه اسرته
عارف انك بتفرح بنفسك لما الغلابة يهادوك ويعملولك تخفيضات علشان تخدمهم لانهم غلابه
عارف انك بتفرح بنفسك وانت بتاخد حوافز وبدالات وتجمع المال وتاخد من حق غيرك الغلبان
عارف انك تاجر كلمة وموقف وحتي احساس علشان مصلحتك وبس
عارف ان مايهمكش مصر ولا شوارعها ولا شباها ولا فقرائها طالما انت عايش ويس
عارف انك ااخد حق غيرك في كل شئ
عارف انك عشقت الغزف علي الات الايقاع
عارف انك كنت ضد ثورة 25 وضد اي شخص هايخللي مصر للجميع ومش هايخليك تكون زي زمان
عارف انك مخدوع ومتخيل ان العجلة هاترجع للخلف ونرجع انت زي زمان
عارف انك غني ودايما باصص لحقوق الغلبان
عارف انك خونت وهاتخون كل واحد هايحاول يخللي مصر حرة وعادلة من وساطة ومحسوبية
عارف انك بتحب تشوف غيرك ضعيف ومحتاج علشان تعوض نقص انت بس اللي حاسه وبيحس بيه فيك الغلبان
س في شئ واحد بس انت مش فاهمه وهو ان مصر مش هاترجع زي زمان ..مصر
هاتكبر وتتغير وشبابها هايقوي وهايفهم وهايكون كل فرد فيها عايش بحرية وكرامة وعدل وانت هايلعنك الزمان
عزيزي الفلول …عفوا ..لقد نفذ رصيدكم وانتهت صلاحية الشريحه
