جريدة أحوال مصر
((( أسفين يا ريس )))
*****************
اسفين ياريس وتسلم فخامتك
شامخ قضاءك وحافظ كرامتك
يغور شعب فاضي وعمال يهاتي
ويسلم دا قاضي اللي همه سلامتك
سامحنا يا ريس حلفتك ما تغضب
شقاوة وغباوه وكنا بنلعب
مايجراش كمان شوية دم راحو
ولا حتي شباب بيشكي لجراحه
بغور كل شعبك لاجل ابتسامتك
اسفين ياريس وتسلم فخامتك
شامخ قضاءك وحافظ كرامتك
هنرجع بيوتنا ونقفل علينا
وسمعا وطاعه لحكمك علينا
هنرجع اساري لعسكر جنابك
ونفضل سكاري وعاملين حسابك
واسفين ياريس هنسمغ كلامك
تغور دي ثوره وفوضي ومعارك
انابنا وتوبنا ومش راح نشارك
ونكفي ولادنا شر المهالك
ويرجع هتافنا وقولنا وندانا
بهمه وزمه مبارك مبارك
اسفين ياريس وتسلم فخامتك
شامخ قضاءك وحافظ كرامتك
ويسلم دا قاضي اللي همه سلامتك
****************************
