السيسى يوجه التحية لشباب مباردة ” اسمعونا ” فى تنمية القرى الأكثر إحتياجاً

وجه الرئيس عبد الفتاح السيسى التحية و التقدير للمجهود المبذول من شباب مبادرة ” أسمعونا ” فى تنمية القرى الأكثر إحتياجاً , واصفاً اياها بـ” نموذج محترم لشباب مصر ” , و ذلك عبر صفحته على موقع التواصل الإجتماعى ” فيس بوك “

و فى ردة فعل سريعة من شباب المباردة على الرئيس أصدرت المباردة بياناً عبر صفحتها بموقع التواصل الإجتماعى ” فيس بوك ” , جاء فيه :

عارفين لما 50 شاب وشابة ينزلوا من بيوتهم على مدار شهور عشان يبنوا في البلد بعيدا عن أي حسابات سياسية ..

عارفين لما يجمعوا الحكومة مع منظمات المجتمع المدني مع المؤسسات الخيرية مع المبادرات الشبابية عشان خاطر بني آدمين ما تعرفهومش ..

طب عارفين ضحكة طفل رجعتله بعد ما رجع المدرسة .. ودعاء أسرة بعد ما بقت تعيش في بيت محترم وناس بتيجي تمحو أميتهم وقوافل طبية بتنزلهم عشان تعالجهم مجانا ومشاريع صغيرة بتتوزع عليهم ..

طب تعرف بقى لما ما تبقتش منتظر شكر من أي حد عشان شعارنا هي لله بس تفاجأ بتحية زي دي من الرئيس عبد الفتاح السيسي شخصيا..

سيادة الرئيس .. باسم كل الدعوات والابتسامات والفرحة اللي كانت في عيون مواطنين مصريين بسطاء.. بنشكرك على التحية .. وبنوعد بلدنا مانقصرش في حقها لوجه الله أولا وأخيرا..

مكملين ..

وشكرا سيادة الرئيس