جريدة أحوال مصر
بحبك ليه سألتينى
وليه فى القلب حنِيه
عاشق ريحة ترابك
وحبك فى العيون غِيه
لكن اصبح ترابك
ريحته بدمى مرويه
دمى ودم أخويا
هان عليا وهونت عليه
اختلفنا فى الأراء
بعد ماكانت
ايدى فى ايديه
نقسم فرحة شبابنا
وفى وقت الشده
كنت الاقيه
جرحنى
قتلته
مش قاصدين
ولا كان الغدر فى النيه
ساعتها كنا
مش عارفين
إن الخلاف مابيفسد
للـــــود قضيه
وبتسألينى بحبك ليه
سؤال و لازم اجاوب عليه
بحبك ليه .. ؟؟
عشان ابنك
ودمى بيجرى من دمك
ومهما انا شفت يوم منك
مليش فى الدنيا غير حضنك
اقول انا ايه
واعيد انا ايه
مش عارف
بحبك ليه
