جريدة أحوال مصر
يا اللى صوبت السلاح
كان فين ضميرك
جندى راجع حضن أمه
بدم بارد …. تآسره
يصبح قتيلك
الضمير مات قبلهم
ولا انتحر
ولا بِعتُـــــه لحد …. غيرك
اوعاك تفكر العقاب مش جاى
حتماً
زيهم هيكون مصيرك
ـــــــــ
غاب الضمير والقلب
مات وانتحر
خِسة وندالة وبوم
مِعشش ع الشجر
يرصد فريسة بعين قوية
ماتعرفش معنى الضجر
ـــــــــ
زهرة شباب افنيتها
تحمل ذنبها يوم الحساب
كام أم قعدة بتنتظر
رجعة ضناها من الغياب
كيدك فى نحرك مردود اكيد
يومها هتدوق العذاب
مش لوم بلومك
ولا تفتكر منى العتاب
اللى زيك قلبه مااااات
وضميره حتماً فى غيااااااااب
لكنى بدعى رب عالم يعطيهم
اعلى المراتب والثوااااب
