جريدة أحوال مصر
من أبداعات وروائع الرائع الفنان الكبير الشاعر ناجى أنس تم
بكل الحب والفخر عرض مسرحيه بيت العيله
(فريق اتحاد مبدعى اﻻسكندريه ) مجموعة رائعين من الشباب والشابات فى احضان الاساتذه العمالقه القديران ابراهيم الملاح ومحمد رمزى كان لهم الفضل فى ابداع المخرج الجرئ المصرى د/ اسلام رفعت حضر العرض الفنان الرائع عثمان محمد على والشاعر المتألق عمرو عفيفى و للدكتورعمرو شوقى وكيل وزاره الشباب وراعى شباب اﻻسكندريه والمستشار التعليمى للاسكندريه المربى الفاضل النشط اﻻستاذ اسماعيل بيومى والشاعره زينات القليوبى ام الجنود والمصرين والاستاذ عماد عبد المنعم صديق عمرالشاعر الرائع ناجى أنس مؤلف العرض
وقد بدأ العرض بقصيدة من تأليف الشاعر ناجى أنس أيضا قام بألقائها المتميز الخلوق الدكتورأسلام ناجى والفنانة الواعدة مرينهان قام بتصوير الحفل فوتغرافيا الصحفى سعيد سليم
قصيده
بيت العيله
ودالوقتي
اعمل إيه ؟
أعمل إيه في الحاصل
وحالنا اللي تهنا فيه
ولسا برضه بنواصل
ولافقنا
و لا اللي سألناحتي فيه
جاوبنا حد جد عليه
بنفاصل علي مسائل ماتستاهل
مفيش فاصل
ولا نقطه تلاقينا؟
ولا عارفين
في نقطه واحده
نتقابل
ولا دارين بيحصل إيه ؟
و مال حالنا
وقلنا كلنا مالنا
ولاسألنا في مسائلنا
في ثانيه بقينا حاجه تانيه
ياحيرتي معاكي ياتوهتي
أروح اشوف لي بلد تانيه
واسيبك انتى ياحبيبتي
مش انتي برضه ياستي
كنتي يا أمي ومازلتي
ام الدنيا قد الدنيا كل الدنيا
لإمتي الحال دا حيطول ؟
مفيش باليد دي حيله
نسكت حنتبهدل
ونشتت العيله
قعدت انا فيكي واستسلمت
سايب نفسي مع اهانه
مع خيانه
وقلة قيمه وخدانا
لإمتي ياسكوت تسكت؟
لإمتي بالخراب نقبل ؟
ماليش حيله
شيله تقيله
نسكت حنتبهدل
ونشتت العيله
ولسا حاستني لكارثه
جايبه عليا بميت كارثه
وحاستني يوم الجمعه
وداني للخراب سامعه
أصوات رصاص وخلاص
مظاهرات اموات
وخوفي خافيه في قلب الخوف
نشوف مولوتوف
ألعاب ناريه عاديه؟
حتسيبوني يجن جنوني
م الحيره مساكين
ياللي ماسكين وساكتين
علي اللي قطعونا بسكاكين
ابص ع الجزيره اللي باعتنا
اقول لأ حرام
ابص بس علي قنواتنا
اقول كله تمام
جاني انفصام
م الغيظ وقله التركيز
طب أتعكنن واصهين
اصهين؟
وأختي الصغيره
زي لعبتها متكسره حزينه
متنتوره متهدده
وشها شاحب
ومش حابب اشوفها كدا
حالها صبح من حالك ٠٠ الحالك
اصرخ ولا أكتم
ولما اسكت
لحد إمتي كتمتي؟
يادهوتي دي
قلبت علي المرحومه جدتي
في آخر أيامها ياحسرتي
بقت من العواجيز
و ده بالنسبة ليا مش لذيذ
طب كات قلبت بمنظرها علي عمتي
جالها إحباط
اتفلقت من العياط
ولاحد حاسس بألامها
اللي باين في كلامها
مش لاقيه لسؤالها اجابه
وعماله برضه تسأل
وهي عيله عليله
نسكت حنتبهدل
ونتشتت العيله
عم مينا ناصر
أخد عياله وسافر
من دوخته
جاتله كريزة٠٠
كريزة أخته
وأخدت نفس تأشيرته
ابونا برضه
ساب الشيخ عبده جاره
حبيبه صاحبه في الجامع
خاف يودعه
أحسن حد يسمعه
وهو بيقوله كلمه محبه
من القلب
يقولها بكلام كدب
حطيت أعصابي في تلاجه
من ولاد اللذين
ولا عارف أعمل حاجه
لأبونا مينا
اللي حرم ولاده من اصحابهم
إخواتي
وحرمني كمان منهم
آه من آهاتي
لإمتي أهاتي ؟
كل العيال تايهه
مبقتش فاهمة بتهبل
اتحرمت من قعده
حلوه جميله
نسكت حنتبهدل
ونشتت العيله
اروح لمين ؟
يازلي قولي
ياني حتبعتني
لزل تاني؟
ابويا كسر الخمسين سنه
ومل كل اتعل وانا مش هنا
أتخرجت م الجامعه
بعد سنين الشقي
احفظ وبس المهم اتخرج
ومش مهم افهم بقي
المهم اخد شهاده ابروزها
امسح في إزازها واتفرج
الاول مع مرتبه الشرف
بلا هدف
علي سهوه دخلت كليه كليه إيه
كليه العاطلين قاعد في القهوة
ليل نهار اللي انام فيه
اصبح فيه و قلت منطالة
اتاريها إيه ؟ البطالة
فضلت اشرب سنين
سحلب قرفه شاي
بس مش بالياسمين
مباتلونش ولا ليا في التلوين
قلبي م العلل مل
لو جبل كان اختل
والله لوحتي جبل
مش حيتحمل
طب إخواتي الصغيرين
يروحوا فين
ملهمش مستقبل؟
عشان ناس بتستهبل
وناس ساكته
وعادي تستقبل
وما باليد حيله
نسكت حنتبهدل
ونتشتت العيله
ياعربي خفت من غربي؟
خواف بيخاف من خياله لو جاله
بيخاف بس بيخبي
و الأمر كان للي مالهش كيان ياصحبي
هما تاريخهم كام سنه
مش زينا هنا سبع تلاف سنه
مفيش علينا وصاية
من ناس بتتلون حربايه
خلاص كله انكشف واتهز
ماتقلقيش ياحره
م اللي قال طز
و العملا اللي نصبوا
مؤامره
عشان من عرشك ننزلي
واحنا نتذل
وتبقي ذليله
نسكت حنتبهدل
ونتشت العيله
طب سلموني البلد دي
وانا قادر ادي وادي
عندي وعندي وعندي
واللي بينابالحساب
مش فيه ثواب و عقاب؟
أنا إبن النهاردا أيوه لكن شباب
هما شويه خير صبر وضمير
مع شويه تفكيروالله مش كتير
الحكايه سهله مش مستاهله
حاحط ايدي في ادين مينا
بطرس ابن ابونا٠٠المقدس
واطهر اللي اتنجس
واخلص من عميل اتجسس
حلملم كل اللي طهقونا
وطهقوا أبونا وأرهبونا
ومش حادور والف
هو انا لسا حاستني
كل اما يتلم متين تلتميه خمسميه ألف
في مظاهره واحاسب اتنين تلاته أربعه عشر بس
خوف بحجه ضبط النفس
كسوف واستشعار حرج
من اللي غدر وإندس
واعمل حساب لهرج ومرج
مش حاسكت
سكوت انتم
بس
عندي في البلد دى اللي يلمهم
شعب بجد وجند
عسكر ؟ ايوه عسكر رجاله جد
خير اجناد الأرض
لو وصلت إني أحوط
البلد دي بسور بالأدب
من غير ماأغلط
لأ أرهب ولا أترهب
إيه يعني ساعه ظلم
بس البلد تتلم
واللي خايف م الحكم
يبقي ناوي علي خراب الأم
واللي يدمر ولايهرب
يقابل بقي
وم اللي شربناه يشرب
وانشالله بيته يخرب
بس البلد تكسب
تعبت لما قلت يا بس
ومش حامسك عصي م النص
وضربة واحده بفاس في الراس
فيها الخلاص
ابرك من ضربات بالغاز
وناس ملها ذنب تتغاظ
من ألغاز إيدين مرعوشه مرووشه
ركبها هزاز
مش داريه وبتهد
ما بتنصفش حد
وكل كلامي جد
واللي كبروا يشكروا
اصل الزهايمر مر
وطول العمر بيمرر
واللي كبر ع الراس ينحط ونريحه
مش نشيل فيه ونحط ونجرحه
مش خلاص اتمسكت الراس
اللي قابضه واللي دافعه
مش هي دي راس الأفعي
مالك يا عم دفعه
إيه يعني طاخ طيخ
ماهو يا إما نكون كيان
نمسك الميدان بصحيح
وندخل التاريخ
ياإما نطاطي لواطي
لواطي! ونخاف من حبه
ضعاف خفاف وألعاب صواريخ
لأ مش حنيجي تاني ورا
والكرسي مش للمنظره
والأديان للديان مش للي خان
ودخله في سياسه وخباثه
كل دين بيحرس نفسه
اللي نزله أكيد حارسه
وانا قادر اديكي
وعندي اللي يحميكي
ويقدر يكمل وبين الكل
يوصل ويفصل ويعدل
وف اديا بدل الوسيله
تسعين مليون وسيله ووسيله
نسكت حنتبهدل
نتعلق ونتدلدل
ونتزلل و حالنا يمييل
يتنيل والزل
حيطول الكل ويطول
طول ما احنا بنكسل
حنتقندل ونتهد
ويبقي ماباليد يد
ولا حيله
لأ لأ مش حنخصع
مش حنركع
عندك بس اسمع
إبن مصر الأصيلة
حنجمع العيله٠حنجمع العيله
