جريدة أحوال مصر
ـــــ***ــــــ
متغير ليه وبتشغلنى
ماتقول يا جميل سلامات
يا بعيد وبعادك يقتلىنى
عيشت القلب آهات
سلامات يا جميل سلامات
ماتشاور حتى بمنديلك
وبحور الشوق انا اعديلك
وابعت مراسيلى واغنيلك
من قلبى اجمل كلمات
سلامات يا جميل سلامات
بتشوفنى كمان تعمل ناسى
طول ماانت بعيد عنى بآسى
ماتقول بقى واصلك احساسى
وخصامك عدى وفات
سلامات يا جميل سلامات
ارقامك خاصمت تليفونى
بتقولى ياروح قلبى تهونى
والدمع اهو باين فى عيونى
حَوِلْت الرنة سُكات
سلامات يا جميل سلامات
نغماتك غَيَّر معانيها
والراحة بعيد عنى لاقيها
وان توهت فى يوم واحتار فيها
قلبك بقى على رنات
سلامات ياجميل سلامات
