جريدة أحوال مصر
وتحضُنى عيونه تقول
ضمينى .. حبيبتى انا جيت
محلا الجنة فى عيونك
ده لقاكى ياما اتمنيت
تحضُنهم عيونى بشوق
ونبض فى قلبى يتبسم
يطول الصمت مهما يطول
عيونا العاشقة تتكلم
فى لمسة إيده حِنية
كان قلبى معاها سعيد
تقول لمستنى جِنية
خدتنى لدنيا تانية بعيد
دنيا بشوفها فى منامى
فى كل ليلة تعيد وتزيد
ولما قابلنى بــ عيونه
حس قلبى بفرحة عيد
مهما وصفت فى لقانا
احساسنا اكبر منه اكيد
