جريدة أحوال مصر
بتحبنى .. طب ليه تجرحنى ؟؟
ليه تقارنى بناس تانيين
ليه بتقلل منى عشانهم
ليه لساتهم فيك عايشين
مش ده الحب بقول واسمحلى
اصل الحب بيملى العين
حتى إن كان مليان اخطاء
مابنقدرش نكون قاسيين
مابيسمحش بأى مقارنه
حتى ان كانوا ناس فوتناهم
عِشرة وكانت وبقت ماضى
ليه بنعيد لحظاتنا معاهم
ليه بنتذكر منهم ذكرى
الا ان كنا ما بننساهم
كلمة اخيرة هقولها اسمعنى
حاول تمحى من ذكراك
طعم الماضى المسطور نغمة
دايرة بتعزف من جواك
علشان نقدر نحيا الحاضر
ولا الماضى عايش وياك ؟؟
او تنسانى وتنسى عتابى
وتكون ليا ذكرى معاك
