جريدة أحوال مصر
حرف بـ حرف بنكتب كلمة
والكلمــات اولهــا حــروف
ولما بيعصى الحرف علينا
بيكون شمس فـ وقت كسوف
موجود ايوه إنما موش ظاهر
مكسى غمامة وحاجبة الشوف
تقف الكلمة حدودها فـ قلبــك
تتنهد .. وتتوه مــ الخــــوف
يعجز قلمــــك عــن تعبيره
تستعجب يا ما كان ملهوف
اوقات حرفك يبقى مطاوع
يتسلسل كلمات فى صفوف
بيكون ظاهر لامــع ساطــع
زى البدر ومــوش مكسوف
يوصف حالتك ير ســم قلبك
جوه المعنى ومن غير خوف
وقتها يحكى وتسمع صوته
ويدنـــدن إحســاس معزوف
