جريدة أحوال مصر
روحت ميعادنا ويا النجمة استناك
قلبى أخدنى بسرعة اكمنى
دايبة فى حبك عاشقة هواك
روحت لاقيتك موش مستنى
روحت لاقيتنى لوحدى هناك
اصل الشوق كان أكبر منى
حتى القمر العالى هناك
قالى يا حلوة ده جاى استنى
شوفت النور زايد فـــ عيونى
حتى البدر بِعِد مكسوف
راحت دابت كل ظنونى
لما لاقيتك جاى ملهوف
تترجانى اقبل اعذارك
وامسح دمعة سالت مــ الخوف
إن حبيبى ينسى ميعادى
وافضل قعدة لوحدى هناك
قلت إطْمِن قلبى بشوفتك
عمرى بحاله انا بستناك
قلبى سبقنى وجيت انا بدرى
موش زعلانة لانى معاك
حاضنة امالنا وطايرة انا روحى
اصل أمانى اكون وياك
أجمل موعد ويا حبيبى
عند النجمة العالية هناك
