جريدة أحوال مصر
سألت كبيرا على راحة البال
فرده كان جوابا على الأحزان
فقال عش حياتك لمن خلقك
فما ربك لعبده نساى
ربى عبدك العاصى نداك
فأرحمه ربى ومن يرحم سواك
درويش درويش
درويش أنا هايم فى الملكوت
عايش بهدؤ عايش فى سكوت
ولا ليا فى شغل سياسة
ولا لف ولا دوران
ولا عايز كرسى رياسة
أنا جنب الحيط غلبان
وطالما بلاقى غموس
أنا عايش كدة مبسوط
درويش درويش
درويش أنا هايم فى الملكوت
عايش بهدؤ عايش فى سكوت
درويش أنا طفل صغير
مات حلمى فى أسيوط
كان نفسى أكبر وأغير
ولحلمى أعيش وأموت
وطالما العمر قصير
أنا حفضل كدة درويش
درويش درويش
درويش أنا هايم فى الملكوت
أنا جندى وبخدم بلدى
وأفديها بروحى وعمرى
وركبت القطر الحربى
فى دقيقة صبحت ما فيش
درويش درويش
درويش أنا هايم فى الملكوت
أنا ثورة فى عز الضلمة
جابت فى أيديها النور
وسقيت الأرض بدمى
لجل ما تطرحها ورود
وسرقها ابو دقن حرقها
وحبسنا جوة جحور
درويش درويش
درويش أنا هايم فى الملكوت
