جريدة أحوال مصر
كــل ليلة بقــول هتيجى
تزورنى و تـْحَلِى المنام
ما انت اول شئ فى بالى
وقت ما اصحى ولما انام
حلم عشت سنين بآســـى
هجره ليــــا فـــى المنام
نفسى ليلة واحدة اشوفه
نفسى اهرب مــ الآلام
من عذاب عايش فـ بُعْده
نفسى ليلة يوفى وعــده
ييجى يسهر يوم معايا
يحكي ويحلى بيه الكلام
لو تزورنى بــس ليلــه
نفسى اعيش دنيا وجميلة
نقســــم الأمانى بينــــا
بـس الليلة تكون طويلة
نحيا بيها عمــر باقى
جــاي والأحلام معاه
ننسى بيها كــل ماضى
يمحى بيها الكون شقاه
فى الليلادى كـــل همى
بس اشوفه وانول رضاه
ده الغرام والشوق قتلنى
وحُـــــبى واصل منتهاه
