جريدة أحوال مصر
إن كات هى اجمل فى عيونك
أنا جوايا اجمل بكتير
حُسْن مصور جوه كيانى
خلاك تعشق تبقى أسير
لو كان حبك ليا ده غلطة
ليه من همسة القاك بتغير ؟؟؟
إن كات هى اجمل فى عيونك
جرب تدى مشاعرك ليها
جرب تعشق توعد تسرح
ولا عنيك والنوم مجافيها
جرب لحظة تعيشها معاها
زى ما كنت معاك ولا قيها
إن كات هى اجمل فى عيونك
عيش وياها الشوق واحكيلى
هتلاقي زى ماكان جوانا
وانت بعيد أو لما تجيلى ؟؟؟
إن كات هى اجمل فى عيونك
ليه بــ حبيبتى بشوق تناديلى ؟؟
كلمة وقلتها وأنت فــ غضبك
دَمَعِتْ عينى وجت تشكيلى
إن كات هى اجمل فى عيونك
روح واعشقها وسيب ايامى
وخلى الدمع معاه مناديلى
