جريدة أحوال مصر
ـــــــــ *** ـــــــــ
زى الموج ف البحر بتقلب
قبل ما تسأل عمـــال تعتب
حُكمك نافــذ قبــل ما ادافع
موش بهجومك إنــك تغلب
زى الموج فى البحر العالى
مَـــدْ وجــذر معاك يحلالى
اسأل عاتب موش هتدايــق
ولا تزعل بردود افعــالى
زى الموج ع الشط بيطلع
يهدم بيت من قبل مايسمع
حِلم اصحابه اللى اتمنوه
ياخد الحلم وبعدين يرجع
زى الموج ترفع مركبنا
ترجع تنزل و تغَلِبْنــــا
مود متغير ثانية بـ ثانية
اثبت بقى وبلاش تتعبنا
