جريدة أحوال مصر
خليل جمال مذيع راديو مصرى يعمل حاليا فى إذاعة ” شدى أف أم ” المغربية و عمل أيضاً فى العديد من الراديوهات : ” راديو رابية أون لاين ” & ” راديو مصر أونلاين و ” تحرير أف أم “و ” وراديو بص وطل ” .
.وعمل إيضاً ممثل دوبلاج فى العديد من القنوات مثل ” fox movies ” و ” I film ” و mbc3 ” و “الجزيرة الوثائقية “وأيضاً عضو فى فرقة ” ليلة الغنائية ” بقيادة الأستاذه ” الشيماء سيف الدين ” ، و قد كان لنا هذا الحوار الصحفي معه والذي جاء فيه :
– كيف جاءت بدايتك نحو مشوارك الاعلامى ؟
البداية جت من راديو رابية على الانترنت بعد دورة تدربية فيه على الصحافة والاذاعة كنت من الناس اللى اختارها الراديو علشان يشتغل لايف على طول بعد الدوره فى برنامج صباحك فرحة وبالنسبة ليا كان تحدى على خوف على حاجات كتير اووووى بس الحمد لله بسبب راديو رابية ومديرة صبرى سراج انا وصلت لمكانى دلوقتى .
– ماذا يمثل لك ميكرفون الاذاعة ؟
انا هقولك جملة واحده بس يمكن تقدر توصف قد ايه بحب الميكرفون الجملة دى انا كاتبها على موبايلى i love my mic
– كيف جاءت فكرة تحمسك لتكون اول مذيع مصرى تقدم برنامج باذاعة المغرب ؟
الفكره ان كل اصحابى اللى بيشتغلو فى نفس المجال لما بتفكر فى الاحتراف فى الخارج بيروحو على الخليج وبيشتغلو هنا فا بقى فى مصريين كتير فى الخليج لكن المغرب العربى مافهوش حد مصرى بسبب انهم بيستصعبو اللهجة الدارجة ” العامية ” مع ان الموضوع كله سهل ومحتاج تركيز بس وانا حبيت اكون مختلف عنهم فا كان ليا صديقة سعدتنى انى ابعت لشدى اف ام وفعلا عجبت ادارة الراديو الفكرة وبقيت اول مصرى فى الاذعات المغربية .
– هل وجدت صعوبة فى تعلم اللهجة المغربية التى يراها البعض ربما تكون صعبة نوعا ما؟
لا لان ليا اصدقاء مغاربة من قبل ما اسافر وكمان كنت بتفرج على افلام قصيره بالدارجة المغربية فا كان عندى خلفية عنها الا انى طبعا اتعلمت كتير من وقت ما جيت .
– ومن هم ابرز الشخصيات التى تاثرت بها واعجبت بها فى المغرب ؟
المستمعين المغاربة لان عندهم ثقافة الراديو عاليه اوى وبجد بيعشقو حاجه اسمها الراديو .
– هل اصبحت تقيم بالمغرب بشكل دائم نظرا لعملك هناك ؟
اه انا عايش فى المغرب حاليا بشكل دائم والحمد لله مبسوط
– وما هى الاشياء التى جذبتك للعمل باذاعة “شذى اف ام ” المغربية تحديدا ؟
كل واحد فينا كصحفيين بيدور على الحرية فى شغله وانه يتكلم من غير ما حد يقولة ” لأ ” ودا اللى شدى بتوفرو لينا بالاضافه لجو الشغل طبعا والاصداقاء اللى بينصحوك لو غلطت .
– حديثنا عن طبيعة برنامجك وكواليسه ؟
” صح ولا غلط ” جتلى فكرتة بعد ما بقيت اسمع ان الناس بتستخدم الحكم والامثال الشعبية والاقوال المشهورة فى اى موقف فى حياتهم من غير ما يفكرو هل المقولة او المثل اللى بنقولهم صح ولا غلط وينفعو فى الوقت اللى بنعيشة ولا ممكن تتغير ومن خلال المقولة بنتكلم فى موضوع ليه علاقة بينا وبنعيشة فى يومنا فى الحياة ,, اما عن كواليسة كل حلقة ليها طعم وشكل مختلف بس بجد اللى بيبقى ليه جو خاص وقت تسجيل فقره من فقرات البرنامج هى عباره عن أسكتش تمثيلى الكوميدى فيه ان انت تدمج العامية المصرية مع الدارجة المغربية فى التمثيل بيبقى منظر لا يوصف فى التسجيل بس بيطلع بشكل كويس جدا الحمد للهوالبرنامج ليه فقرات تانية بجانب الأسكتش زى رأى الشارع فى مقولة الحلقة عن طريق تسجيل تقرير قصير من الشارع وفقرة نبيل النبية اللى من الكطلام فقية مع الكوميديان نبيل التونسى اللى بيقدملنا دقيقتين من الشعر الحلمنتيشى بطريقتة
– هل فكرة تقديمك لبرنامج تليفزيونى تشغل بالك وعلى اى اساس سوف تخوضها ؟
هبقى كداب لو قولت لا مش شاغله بالى , اكيد بتمناها وعندى افكار برامج خاصه بيا , لكن الخطوه دى لسه عليها شوية لسه ناقص شوية خبره وعلاقات فى الوسط الفنى وهخوضها ان شاء الله لو قدرت الأقى فرصة اقدم من خلالها برنامج شبهى واقعى ترفيهى والناس متملش منة .
– اتجه بعض المذيعين للتمثل هل ستفكر فى هذه الخطوة ؟
دايما بحس ان الاذاعة والتليفزيون هما جزء من الفن لانك بتحاول من خلال برنامج انك تخلى الناس مبسوطة وسعيده انها بتسمعك زيه زى فيلم الغرض ترفيهى فا انا ما عنديش مانع انى امثل وانا فعلا كنت فى وقت من الاوقات وانا فى مصر كنت بسعى لكده لكن محصلش نصيب .
– ما تعلقيك على برامج التوك شو الان وهل يمكن تفكر فى تقديم مثل هذه النوعية من البرامج ؟
التوك شو اللى موجوده دلوقتى مع احترامى الشديد للأساتذه اللى بيقدموها هى واحد مع تغير الوجة اللى قدام الكاميرا لكن الفكره والمضمون واحد إلا من رحم ربى , اقدم حاجه من نفس النوع لا مفكرتش ولا هفكر الناس عايزه تقول رايها ونتكلم عنهم وعن اللى يفدهم مش اعمل برنامج اقول فيه رأى الخاص .
– لو جاء لك عرض مهم اذاعى وتليفزيونى كيف ستفاضل بينهما وعلى اى اساس تختار بينهما ؟
فى الوقت الحالى لو جه عرض إذاعى او تليفزيون هفضل الاذاعى لان هو دا اللى ليا خبره فيه اكبر لكن التليفزيون زى ما قولت لسه شوية وهختار بينهم على اساس اللى انا خبره فيه .
– ماهى رؤيتك بوجه عام لمستقبل الاعلام فى الوطن العربى ؟
لو الاعلام العربى فضل على نفس حالة من تهميش دور الشباب اللى معاه فكر وتطور ومصلحة الاعلام وسعيهم ان اعلامنا يبقى زي واحسن من الاعلام الغربى يبقى عليه السلام , لكن لو بقى فى كوادر شبابية موجوده فيه وحصل دمج بين خبره المعلمين مع التلاميذ هنشوف حاجه يستحقها المتلقى العربى.
– ماذا عن مشاريعك القادمة ؟
حاليا انا مش بفكر فى حاجه غير انى اوقف برنامجى صح ولا غلط على ارض صلبة واستغل ان الحمد لله ربنا قدرنى فى وقت قليل انى احقق شهرة ونسبة استماع مكنتش اتوقعها لكن فى افكار برامج تانية للمستقبل بفكر فيها بجانب برنامج الفيديو ” ببساطة ” على اليوتيوب مع الاعلامي الصديق / كريم حدري
