جريدة أحوال مصر
غِيير بالعقل
ـــــــــ *** ـــــــــ
ترمينى بسهم الغِيرة مَرة
وسهام الشك عشر مرات
وان كات يا حبيبى الغِيرة مُرة
فالشك مرار مشروب فى كاسات
لحظة تغِيير وتشك ساعات
تقتل شوق وتموت اوقات
قلبك طمن من جواك
ولا اقولك قلبى وهات
غِيرتك حُب لحبى تزيد
بهارات هى ولازمة اكيد
لما تزيد يوم عن مقدارها
تصبح نار والنار بتئييد
أصل الشك ده وسواس قهرى
ناره زيادة زيادة ياعمرى
غِير بالعقل فى حبك ليا
يا اللى غرامك كان يوم قدرى
فَـرَّقْ بين الشك وغِيرتك
قبل ماقلبك يسكن حِيرتك
بينهم خط بسيط وصغير
قادر يمحى الحب وسيرتك
