جريدة أحوال مصر
ـــــ***ــــــ
تتعب تتعب لو تنسانى
عايشة فـ روحك راح تلقانى
ماسكة زمام النبض فـ قلبك
اوعى تفكر تتحدانى
قلبى لقلبك مادد ايده
قبل مايطلب حب يزيده
دَوَّرْ جوه مشاعرك .. قَرَّرْ
موش راح يفرق او بتريده
عارفاك تقدر تعند لكن
حبى وجوه ضلوعك ساكن
مهما حاولت تخبى وتبعد
انا جواك وحفرت اماكن
صعب عنادك يلعب بينا
صعب عليك تمسح خطاوينا
صعب تضيَّع حبى وحبك
او نسيان يتحكم فينا
راجع نفسك عيد حساباتك
شوفنى بعيد موش جوه حياتك
تقدر تنسى هوايا … اتحدى
سايبة انا بصمة فـ كل صفاتك
