جريدة أحوال مصر
نفت الناشطه السياسيه نورهان حفظى زوجة الناشط السياسى ابن محافظة البحيرة احمد دومة على تدوينه لها عبر موقع التواصل الاجتماعى فيس بوك ان لا صحة على الاطلاق لما اشيع عن فك اضرابه عن الطعام خوفا علي حالته الصحيه وانه غير صحيحة بالمرة.
وقالت ايضا : زيارتي كانت يوم الخميس واحمد كان رافض فكرة فك الاضراب بشكل قاطع لاي سبب رغم سوء حالته الصحية ونصائح معظم الضباط له بضرورة فكه الاضراب ، دخلناله ادوية _حقن مسكنة ومانعه للقئ _ لانه بيعاني من قئ مستمر للميه _الحاجة الوحيدة اللي بياخدها_ والحقن كمان بتساعده ينام لانه بيعاني من فقدان تام للنوم ، بدا ياخد محلول ملح عن طريق الكالونة ،لانه ميقدرش ياخده عن طريق المعدة نهائيا والمحلول ساعده يتمشي لمده تتراوح بين 5 /10 دقايق كل يوم .
وتابعت نورهان : انا متاكدة ان احمد مفكش الاضراب وده نتاج نقاش طويل بيني انا وهو وبينا احنا والاصدقاء واخيرا ضباط السجن.
وحملت نورهان وزير الداخلية مسئولية اي اعتداء ممكن يكون احمد اتعرضله لاجباره علي فك اضرابه عن الطعام او تحرير محضر وهمي بذلك
واكدت على ان وزارة الداخلية سبق واجبرته بالاعتداء عليه علي حضور جلسة من جلسات مجلس الوزرا رغم انه كان بيعاني من حالة اعياء شديدة وكتبت تقرير طبي من مستشفي السجن بيقول ان حالته تسمح بالحضور لاخفاء تدهور حالته الصحية عن الراي العام وحررنا محضر وقتها ضد وزير الداخلية ومساعده لشئون السجون رقمه 10028.
