جريدة أحوال مصر
أحبه
أحبه
ــــــــ *** ــــــــ
أحبه ياناس ومتحـــير
وقلبى فى الهوى صغير
ومهما الشوق عمل فينا
قلــوبنا مــش هتتغــير
أحبه ياناس وهنكر ليه
ده شوقى باين فى عيونى
عيون عاشقة دفى لياليه
ونبض ساكن تكوينى
وقلب كبير سكنت أنا فيه
بيزيد فى حبى وحنينى
أحبه واقول باحساسى
ده هو عزوتى وناسى
مليش فى الدنيا غير حبه
وعمره ماكان فى يوم آسى
انام واصحى على حبه
جميل روحه بيأسرنى
وهمس شوقى من قلبه
وصوته العذب يسحرنى
أحبه واعيش فدا عيونه
ولا شئ معاه هيكسرنـى
