جريدة أحوال مصر
واقف فى وِسط أحلامِك وبارسم
فوق حيطان الكون “سما وحاضنه القمر”
والشمس بتكمّل كلامِك
وانا قلبى حبـــّك
ما صـَــــــــــــبر
عَدّى بهواكى فِ البُحــــــــــــور
“دُسـتـــــــــــــــــــــور”
جقيقى ما ينمحى
راسم طريقى فى الحياه
لا مية “نعم” ولا ألف “لا”
ولا تُخرجيش
وِسط الحشود
كل الوجود قلبِك ملاه
خليكى نبض بيتنفض جُوّه الوريد
خليكى ليّا ألف عيد
وبلاش نفارق حلمنا المولود عَفى
هِمى
إوقفى كُل البِعاد
مشتاق انا وشوقى بلاد
خلينى اكون جوّه عيونك فَرح جى
ألف ضى ينَوّروا فِ ليل آلامك
واقف ،، وِسط أحلامِك وبارسم
فوق حيطان الكون “سما وحاضنه القمر”
والشمس بتكمّل كلامِك
