شرين زكي: مدير بيطري الجيزة طلب نزولي مكانين فقط ورفض منحي تكليف رسمي

كشف الدكتورة شرين علي زكي, الطبيبة البيطرية بمديرية طب الجيزة, وصاحبة فضح عدد من وقائع الغش والآعذية الفاسدة في عدد من المطاعم والسلاسل التجارية الشهيرة. عن تعنت مدير المديرية معها واصراره علي تكلفيها الشفوي بالتفتيش علي مكامين سياحيين فقط, رافضا اعطائها تكليفا رسميا بذلك.

وقالت زكي, في منشور لها عبر صفحتها الرسمية علي موقع التواصل الاجتماعي “فيس بوك”, أنها مصرة علي عدم نزولها للعمل الا بتكليف رسمي خاصة بعد اتهامات الدكتور ميلاد, مسئول المديرية وهجومه الشديد عليها خلال حوارها مع الاعلامي وائل الابراشي, في برنامجه “العاشرة مساءا”, علي فضائية “دريم”.

  

وفيما يلي نص النشور:

————————-

حصيلة ما تم معي اليوم في مديرية الطب البيطري بالجيزة :

مدير المديرية : انتي عندك لجنة النهارده

انا : حاضر يا فندم

مدير المديرية : اطلعي مكانين بس وسياحي

انا : بس حضرتك عارف ان الدكتورة شيرين مبتطلعش مكانين بس ده انا بشتغل لبعد الساعة 2 الصبح ومعايا قرار محافظ انزل كل الاماكن مش السياحي بس.

مدير المديرية : حاولي متتأخريش

انا : طيب ممكن حضرتك تطلع لي قرار بنزولي اللجنة.

مدير المديرية : قرار ايه ما احنا طول عمرنا شغالين كده

انا : سيادتك ده كان زمان انما لما ييجي الدكتور ميلاد يتهمني اني طلعت شغل بلطجة وبدون تكليف منكم لمجرد ان تعليماتكم ليا كانت شفوية يبقى انا مش هنزل شغل تاني الا بقرار رسمي وعلشان اضمن ان سيادتك مش هتنزلني لجنة لامتصاص غضب الرأي العام وترجع تقعدني تاني وشفوي بردو… ثم انا المستشارين القانونيين الي متابعين قضيتي حذروني من الشغل بدون قرارات وتكليفات رسمية.

مدير المديرية : وانا مش هطلع قرار

انا : وانا مش طالعة لجان بتكليفات شفوية تاني

#‏انتهى. وعدتكم الا اتراجع وقد اوفيت.