جريدة أحوال مصر
احتفلت النجمة التونسية الشابة ” سناء يوسف ” اول أمس ” الأحد ” بمسلسلين رمضان ” فض اشتباك – نقطة ضعف ” التى تدخل بهم الماراثون الدرامى هذا العام بعد نجاحها مسبقا فى مسلسل ” فرقة ناجى عطا الله ” أمام الزعيم ” عادل امام ” و بمجرد وصول ” سناء ” مكان الاحتفال و هو أحد كافيهات المهندسين التفت حولها القنوات و عدسات المصورين مما اضطرها لمقاطعتهم فى منتصف الحفل لتقطيع تورتة الاحتفال و العودة بعد ذلك لاستكمال اللقاءات الباقية ظل الحفل ممتد من الساعة العاشرة مساء و حتى الساعات الاولى من صباح اليوم التالى وكان لنا معها هذا الحديث الصحفي والذي يعد اطول حديث صحفي قامت به منذ تواجدها في مصر وحتى الان والذي استمر حتى قبل اذان الفجر بساعة ، ففي البداية قامت بتهنئة كل الامة العربية بمناسبة شهر رمضان وثم جاء الحوار كالتالي :
*متى وكيف كانت البداية ؟
انا تخرجت من الثانوية العامة عام 2004 وقررت التحق بمعهد سينما بتونس قسم اخراج
*هل قمت باي اعمال اخراجية في تونس ؟
انا عملت كذا مشروع ومنهم مشروع التخرج وكنت مبسوطة اوي لان ابطاله مكنوش ممثلين هواة بس لكن محترفين كمان لهم وزنهم في تونس وسعادتي من انهم كانوا مبسوطين من الشغل معي والحمد لله وبتوفيقه قدرت اوجههم اثناء التصوير
*معنى كدة انك تركتي الاخراج من اجل التمثيل ؟
لا ، لان التمثيل جه قبل الاخراج ، انا ابتديت تمثيل من وانا عندي 11 سنة في مسرحية صغيرة في اخر العام الدراسي ، وبالنسبة للغناء كانت اول طلعة ليا على خشبة مسرح كان عندي 8 سنين
*وبالتالي كان عندك حلم دخول المجال منذ الصغر ؟
لا ، خالص ، انا زمان عمري ماكنت بفكر اني اكون ممثلة ، كنت حابة طول الوقت اكون دكتورة ومطربة في نفس الوقت لاني بعشق الغناء والمزيكا ولغاية دلوقتي ، لكن سبحان الله في المعهد كان فيه نادي للمسرح فمن يوم ما دخلته في سنة اولى اكلت الطعم و اصبحت ممثلة
*كيف انتقلتي من الهواية الى الاحتراف في تونس ؟
اول حاجة كمحترفة كان فيلم سينمائي من بطولتي ومنه دخلت عالم التلفزيون ، بعدد ساعات تصويره والكرو الاكبر وان المسلسل بيدخل كل بيت عن السينما لانك انت اللي بتقطع تذكرة وبتروح فكنت خايفة جدا . واصبح في رصيدي 4 افلام بطولتي و7 مسلسلات منهم مسلسل اخذت عنه جائزة احسن ممثلة صاعدة في مهرجان الاعلام بمصر 2007 واخر مسلسل كنت عملاه في تونس اسمه ( صيد الريم ) اخذ احسن مسلسل اجتماعي في مهرجان الاذاعة والتلفزيون هنا في القاهرة واخذ جوائز في مهرجنات عربية عديدة منها الاردن
*كيف جاءت فكرة السفر للقاهرة والانطلاقة الثانية عبر الجمهور المصري ؟
انا جيت القاهرة عشان اكمل دراستي للاخراج في معهد السينما بعدما اخذت دبلومة اخراج في تونس وكنت ساعتها اخذت الجائزة من المهرجان وكنت بصور الفيلم التونسي ( الحادثة ) وكان مدير التصوير هو المصري الشهير ا/ رمسيس مرزوق وهو كان بطولتي بمشاركة النجم التونسي / محمد على بن جمعة ، فكان كل كرو التصوير بيقولي انت لازم تنزلي مصر وكنت بقولهم لا لسه بدري على مصر ، وسبحان الله انا جيت مصر للدراسة واتعرض عليا شغل فكملت في مصر
* كيف عرض عليك مسلسل ( فرقة ناجي عطا الله ) مع الزعيم عادل امام ؟
انا اتعرف ا/ صفوت غطاس منتج المسلسل في التصوير لكن كنت بسمع عنه قبل كدة طبعا هو منتج كبير ومن اكبر شركات الانتاج في مصر هي سبوت 2000 ومدام سميرة احمد لكن الموضوع جه عندما كان بتعرض فيلمي ( الحادثة ) في كذا مهرجان فصناع الدراما المصرية عرضوا عليا دور وردة الجزائرية في مسلسل (بليغ حمدي ) وفعلا الناس كلموني عشان اجي مصر عشان نمضي العقود وجيت لكن للاسف الموضع وقف لاسباب انتاجية ، وبعد كدة على طول جالي مسلسل مع المخرج / محمد عزيزية صورته في سوريا وهو مسلسل ( صدق وعده ) وبعديهم عمل مع المخرج / محمد فاضل وهو مسلسل ( السائرون نياما ) ، لكن اول حاجة ليا على تراب مصر كمسلسل اجتماعي هو ( فرقة ناجي عطا الله ) عن طريق حد من الانتاج شافني وعرض عليا اني اقابل ا/ رامي امام وا/عادل امام والحمد لله قبلوني معهم
*كيف كانت تجربة التمثيل مع الزعيم ؟
طبعا اي حد في العلم العربي يتنمى من زمان انه يشتغل مع الزعيم عادل امام ومع ا/ نور الشريف وا/ يحيى الفخراني ومدام يسرا وناس كتير جدا كنت بحلم اشتغل امامهم و الراحل العظيم / احمد زكي ، فطبعا كنت مبسوطة جدا وكانت مفاجأة وفرصة حلوة اوي بالنسبة لي اني امثل مع الزعيم عادل امام فكانت تجربة مفيدة جدا ونقلة كبيرة في مشواري الفني كسناء يوسف
* الناس بيعتبوا عليكي عدم الظهور من بعد نجاح المسلسل ؟
انا فعلا قليلة الظهور في الميديا وده ممكن يكون ميزة وممكن يكون عيب مش عارفة لاني مابحبش اظهر الا لما يكون عندي عمل ، بس والله ده مش مقصود ، انا لسه بحاول اتعرف على الناس في مصر وانا بقيت مقيمة هنا من 2010 والحمد لله انا مش حاسة بغربة في مصر لان طبيعة الشعبين قريبين من بعض
* لاحظنا ان مؤتمر الليلة كنت معمول بمفردك بدون كرو العمل ، فما السبب وراء ذلك ؟
هقولك السبب ، احنا لسه قالين اني مختفية وده مش حلو ، فانا كنت بصور مسلسلين وكل المسلسلات دخلت متأخرة وعايزين يلحقوا رمضان فمثلا مسلسل ( فض اشتباك ) انا لسه مخلصة تصويره من 5 ايام فطبعا مكنش عندي فرصة اني اعمل اي لقاءات صحفية لاني اعلاميين كتير كانوا بيكلموني عشان ادي تصريحات ، فعشان الجمهور والنقاد والصحفيين مايفتكرش اني مغرورة او مش حابة اعمل تصريحات حبيت اني اعمل المؤتمر ده عشان احتفل معاكم بالمسلسلين وعشان تاخدوا كل التصريحات اللي انتوا عايزنها عشان طول الوقت اللي فات كنت غايبة بسبب الشغل
*اكيد اهم حاجة الشغل والحمد الله فيه استحسان كبير من الجمهور للعملين ؟
الحمد لله ، انا الناس كلمتني من تاني يوم في رمضان ، التلفونات مابطلتش رن سواء من صحابي في الوسط او من برة الوسط ومن النقاد برضوا ، انا ساعتها حسيت فعلا اني عاملة شغل حلو وان كل المجهود والتعب اتنسى
* احكي لنا عن دورك في مسلسل (فض اشتباك ) ؟
بلعب فيه دور فريدة وهي فنانة تشكيلية عندها جاليري وهي وحيدة بابها ومامتها ، جابوها يعد سنين طويلة من عدم الخلفة فوالدها بيحبها اوي فبيخاف عليها زيادة عن اللزوم فتواجه مشكلة وصراع كبير بيحصل بينهم وكمان حياتها الصعبة نتيجة زواجها من ضابط شرطة فمشاكل الشغل بتنعكس عليها وعلى عليتها
*تقييمك ايه للعمل وخصوصا انه اول اخراج لكلا من : المنتج/ احمد نور وللمؤلف / حازم متولي ؟
الحمد لله احنا عملين شغل محترم والحمد لله عجب الناس اكيد كان فيه شوية ضغط بسبب التوقيت وعشان نلحق رمضان ففي حاجات ممكن نكون وقعت مننا بس الحمد لله كدوري انا مبسوطة بالدور ده لانه جديد وانا معملتوش قبل كدة وفيه رسم وده من هوياتي
*احنا الليلة اكتشفنا هويات كتير عندك ؟
انا اصلا من الخمس مسلسلات اللي اتعرضوا عليا اخترت الاتنين دول بالذات عشان حسيت ان ورقهم حلو وعشان فيهم هوايتين من هواياتي وهما الغناء في نقطة ضعف والرسم في فض اشتباك
* ما هو دورك في (نقطة ضعف ) وكيف كان لوكيشن التصوير مع المخرج/ احمد شفيق ؟
انا دوري هو نور وهي مطربة لبنانية بتبتدي مشوارها الفني من مصر بتتكلم بلكنة مصري واحيانا مصري مكسر عشان نبين انها مش مصرية بس طبعا زي كل الفنانين العرب لما بنيجي مصر بنتكلم مصري لبلب
وتلتقي بالدكتور “عمر” الذي يؤدي دوره الفنان جمال سليمان فتحبه ولكنه يتلاعب بها ، بالنسبة لاحمد شفيق فانا مبسوطة اني اشتغلت معه وكنت حابة دور نور اوي عشان فيه حاجات مختلفة مش موجودة في شخصيتي وفي نفس الوقت اني هاغني بصوتي لكل الجمهور العربي واكيد باشكره اني اخترتني في الدور هو وا/ محمد صباحي منتج العمل ،
وقالت ان نتيجة البيع الحصري لمسلسل نقطة ضعف على قناة واحدة ادى الى ضعف المشاهدة عليه ولكنه سيحظى بمشاهدة عالية بعد متابعته بعد انتهاء شهر رمضان
*اين سناء يوسف من السينما ؟
انا اتعرض عليا من السنة اللي فاتت بس لسه مافيش حاجة شدتني اوي ، وانا مستنية عرض كويس يكون فيه دور جديد وده هيبقى افضل كتير من اني اعمل عمل واندم عليه في المستقبل فمش حابة اني اكون متواجدة في السينما لمجرد الظهور بس
*هل ممكن نشوف سناء بطلة لفيلم شعبي من انتاج السبكي ؟
اه طبعا ليه لأ ، انا بالنسبة لي الدور طول ما هو مكتوب كويس ومفيهوش حاجة تخدش الحياء هوافق عليه ، والسينما الشعبي ليها جمهورها ، وانا مابحبش اعمل تصنيف للجمهور ، فبالنسبة لي سواء الجمهور الشعبي او الراقي هو جمهوري مابحبش افرق بينهم خالص ، وبالعكس انا نفسي اعمل دور البنت الشعبية بنت الحارة المصرية الجدعة سواء في السينما او الدراما
*في ختام حديثنا وقبل السحور ، هل تابعتي اي اعمال درامية اخرى في رمضان ؟
بصراحة تابعت تخاطيف من بعض المسلسلات لاني كنت مطحونة في التصوير احنا كنا بنصور اكتر من 12 ساعة مكنتش بلحق حتى انام ، بس مبسوطة السنة دي رغم كل الظروف سواء في مصر او في تونس ان عجلة الانتاج دايرة وفيه مسلسلات محترمة الحمد لله
يذكر ان : نقطة ضعف بطولة : جمال سليمان و رانيا فريد شوقى و سناء يوسف , و فض اشتباك بطولة : أحمد صفوت و سناء يوسف و ايناس كامل
*متى وكيف كانت البداية ؟
انا تخرجت من الثانوية العامة عام 2004 وقررت التحق بمعهد سينما بتونس قسم اخراج
*هل قمت باي اعمال اخراجية في تونس ؟
انا عملت كذا مشروع ومنهم مشروع التخرج وكنت مبسوطة اوي لان ابطاله مكنوش ممثلين هواة بس لكن محترفين كمان لهم وزنهم في تونس وسعادتي من انهم كانوا مبسوطين من الشغل معي والحمد لله وبتوفيقه قدرت اوجههم اثناء التصوير
*معنى كدة انك تركتي الاخراج من اجل التمثيل ؟
لا ، لان التمثيل جه قبل الاخراج ، انا ابتديت تمثيل من وانا عندي 11 سنة في مسرحية صغيرة في اخر العام الدراسي ، وبالنسبة للغناء كانت اول طلعة ليا على خشبة مسرح كان عندي 8 سنين
*وبالتالي كان عندك حلم دخول المجال منذ الصغر ؟
لا ، خالص ، انا زمان عمري ماكنت بفكر اني اكون ممثلة ، كنت حابة طول الوقت اكون دكتورة ومطربة في نفس الوقت لاني بعشق الغناء والمزيكا ولغاية دلوقتي ، لكن سبحان الله في المعهد كان فيه نادي للمسرح فمن يوم ما دخلته في سنة اولى اكلت الطعم و اصبحت ممثلة
*كيف انتقلتي من الهواية الى الاحتراف في تونس ؟
اول حاجة كمحترفة كان فيلم سينمائي من بطولتي ومنه دخلت عالم التلفزيون ، بعدد ساعات تصويره والكرو الاكبر وان المسلسل بيدخل كل بيت عن السينما لانك انت اللي بتقطع تذكرة وبتروح فكنت خايفة جدا . واصبح في رصيدي 4 افلام بطولتي و7 مسلسلات منهم مسلسل اخذت عنه جائزة احسن ممثلة صاعدة في مهرجان الاعلام بمصر 2007 واخر مسلسل كنت عملاه في تونس اسمه ( صيد الريم ) اخذ احسن مسلسل اجتماعي في مهرجان الاذاعة والتلفزيون هنا في القاهرة واخذ جوائز في مهرجنات عربية عديدة منها الاردن
*كيف جاءت فكرة السفر للقاهرة والانطلاقة الثانية عبر الجمهور المصري ؟
انا جيت القاهرة عشان اكمل دراستي للاخراج في معهد السينما بعدما اخذت دبلومة اخراج في تونس وكنت ساعتها اخذت الجائزة من المهرجان وكنت بصور الفيلم التونسي ( الحادثة ) وكان مدير التصوير هو المصري الشهير ا/ رمسيس مرزوق وهو كان بطولتي بمشاركة النجم التونسي / محمد على بن جمعة ، فكان كل كرو التصوير بيقولي انت لازم تنزلي مصر وكنت بقولهم لا لسه بدري على مصر ، وسبحان الله انا جيت مصر للدراسة واتعرض عليا شغل فكملت في مصر
* كيف عرض عليك مسلسل ( فرقة ناجي عطا الله ) مع الزعيم عادل امام ؟
انا اتعرف ا/ صفوت غطاس منتج المسلسل في التصوير لكن كنت بسمع عنه قبل كدة طبعا هو منتج كبير ومن اكبر شركات الانتاج في مصر هي سبوت 2000 ومدام سميرة احمد لكن الموضوع جه عندما كان بتعرض فيلمي ( الحادثة ) في كذا مهرجان فصناع الدراما المصرية عرضوا عليا دور وردة الجزائرية في مسلسل (بليغ حمدي ) وفعلا الناس كلموني عشان اجي مصر عشان نمضي العقود وجيت لكن للاسف الموضع وقف لاسباب انتاجية ، وبعد كدة على طول جالي مسلسل مع المخرج / محمد عزيزية صورته في سوريا وهو مسلسل ( صدق وعده ) وبعديهم عمل مع المخرج / محمد فاضل وهو مسلسل ( السائرون نياما ) ، لكن اول حاجة ليا على تراب مصر كمسلسل اجتماعي هو ( فرقة ناجي عطا الله ) عن طريق حد من الانتاج شافني وعرض عليا اني اقابل ا/ رامي امام وا/عادل امام والحمد لله قبلوني معهم
*كيف كانت تجربة التمثيل مع الزعيم ؟
طبعا اي حد في العلم العربي يتنمى من زمان انه يشتغل مع الزعيم عادل امام ومع ا/ نور الشريف وا/ يحيى الفخراني ومدام يسرا وناس كتير جدا كنت بحلم اشتغل امامهم و الراحل العظيم / احمد زكي ، فطبعا كنت مبسوطة جدا وكانت مفاجأة وفرصة حلوة اوي بالنسبة لي اني امثل مع الزعيم عادل امام فكانت تجربة مفيدة جدا ونقلة كبيرة في مشواري الفني كسناء يوسف
* الناس بيعتبوا عليكي عدم الظهور من بعد نجاح المسلسل ؟
انا فعلا قليلة الظهور في الميديا وده ممكن يكون ميزة وممكن يكون عيب مش عارفة لاني مابحبش اظهر الا لما يكون عندي عمل ، بس والله ده مش مقصود ، انا لسه بحاول اتعرف على الناس في مصر وانا بقيت مقيمة هنا من 2010 والحمد لله انا مش حاسة بغربة في مصر لان طبيعة الشعبين قريبين من بعض
* لاحظنا ان مؤتمر الليلة كنت معمول بمفردك بدون كرو العمل ، فما السبب وراء ذلك ؟
هقولك السبب ، احنا لسه قالين اني مختفية وده مش حلو ، فانا كنت بصور مسلسلين وكل المسلسلات دخلت متأخرة وعايزين يلحقوا رمضان فمثلا مسلسل ( فض اشتباك ) انا لسه مخلصة تصويره من 5 ايام فطبعا مكنش عندي فرصة اني اعمل اي لقاءات صحفية لاني اعلاميين كتير كانوا بيكلموني عشان ادي تصريحات ، فعشان الجمهور والنقاد والصحفيين مايفتكرش اني مغرورة او مش حابة اعمل تصريحات حبيت اني اعمل المؤتمر ده عشان احتفل معاكم بالمسلسلين وعشان تاخدوا كل التصريحات اللي انتوا عايزنها عشان طول الوقت اللي فات كنت غايبة بسبب الشغل
*اكيد اهم حاجة الشغل والحمد الله فيه استحسان كبير من الجمهور للعملين ؟
الحمد لله ، انا الناس كلمتني من تاني يوم في رمضان ، التلفونات مابطلتش رن سواء من صحابي في الوسط او من برة الوسط ومن النقاد برضوا ، انا ساعتها حسيت فعلا اني عاملة شغل حلو وان كل المجهود والتعب اتنسى
* احكي لنا عن دورك في مسلسل (فض اشتباك ) ؟
بلعب فيه دور فريدة وهي فنانة تشكيلية عندها جاليري وهي وحيدة بابها ومامتها ، جابوها يعد سنين طويلة من عدم الخلفة فوالدها بيحبها اوي فبيخاف عليها زيادة عن اللزوم فتواجه مشكلة وصراع كبير بيحصل بينهم وكمان حياتها الصعبة نتيجة زواجها من ضابط شرطة فمشاكل الشغل بتنعكس عليها وعلى عليتها
*تقييمك ايه للعمل وخصوصا انه اول اخراج لكلا من : المنتج/ احمد نور وللمؤلف / حازم متولي ؟
الحمد لله احنا عملين شغل محترم والحمد لله عجب الناس اكيد كان فيه شوية ضغط بسبب التوقيت وعشان نلحق رمضان ففي حاجات ممكن نكون وقعت مننا بس الحمد لله كدوري انا مبسوطة بالدور ده لانه جديد وانا معملتوش قبل كدة وفيه رسم وده من هوياتي
*احنا الليلة اكتشفنا هويات كتير عندك ؟
انا اصلا من الخمس مسلسلات اللي اتعرضوا عليا اخترت الاتنين دول بالذات عشان حسيت ان ورقهم حلو وعشان فيهم هوايتين من هواياتي وهما الغناء في نقطة ضعف والرسم في فض اشتباك
* ما هو دورك في (نقطة ضعف ) وكيف كان لوكيشن التصوير مع المخرج/ احمد شفيق ؟
انا دوري هو نور وهي مطربة لبنانية بتبتدي مشوارها الفني من مصر بتتكلم بلكنة مصري واحيانا مصري مكسر عشان نبين انها مش مصرية بس طبعا زي كل الفنانين العرب لما بنيجي مصر بنتكلم مصري لبلب
وتلتقي بالدكتور “عمر” الذي يؤدي دوره الفنان جمال سليمان فتحبه ولكنه يتلاعب بها ، بالنسبة لاحمد شفيق فانا مبسوطة اني اشتغلت معه وكنت حابة دور نور اوي عشان فيه حاجات مختلفة مش موجودة في شخصيتي وفي نفس الوقت اني هاغني بصوتي لكل الجمهور العربي واكيد باشكره اني اخترتني في الدور هو وا/ محمد صباحي منتج العمل ،
وقالت ان نتيجة البيع الحصري لمسلسل نقطة ضعف على قناة واحدة ادى الى ضعف المشاهدة عليه ولكنه سيحظى بمشاهدة عالية بعد متابعته بعد انتهاء شهر رمضان
*اين سناء يوسف من السينما ؟
انا اتعرض عليا من السنة اللي فاتت بس لسه مافيش حاجة شدتني اوي ، وانا مستنية عرض كويس يكون فيه دور جديد وده هيبقى افضل كتير من اني اعمل عمل واندم عليه في المستقبل فمش حابة اني اكون متواجدة في السينما لمجرد الظهور بس
*هل ممكن نشوف سناء بطلة لفيلم شعبي من انتاج السبكي ؟
اه طبعا ليه لأ ، انا بالنسبة لي الدور طول ما هو مكتوب كويس ومفيهوش حاجة تخدش الحياء هوافق عليه ، والسينما الشعبي ليها جمهورها ، وانا مابحبش اعمل تصنيف للجمهور ، فبالنسبة لي سواء الجمهور الشعبي او الراقي هو جمهوري مابحبش افرق بينهم خالص ، وبالعكس انا نفسي اعمل دور البنت الشعبية بنت الحارة المصرية الجدعة سواء في السينما او الدراما
*في ختام حديثنا وقبل السحور ، هل تابعتي اي اعمال درامية اخرى في رمضان ؟
بصراحة تابعت تخاطيف من بعض المسلسلات لاني كنت مطحونة في التصوير احنا كنا بنصور اكتر من 12 ساعة مكنتش بلحق حتى انام ، بس مبسوطة السنة دي رغم كل الظروف سواء في مصر او في تونس ان عجلة الانتاج دايرة وفيه مسلسلات محترمة الحمد لله
