جريدة أحوال مصر
يا ناس اى حد بيفهم فى السياحه يفهمنى ازاى السياحه فى دوله ذى مصر تعتمد اعتماد كلى على روسيا !!! ولما روسيا تزعل مننا وتمنع الأفواج السياحيه بتاعتها تنهار السياحة فى مصر وتغلق الفنادق والقرى السياحيه والبازارات ويتشرد العاملين والموظفين فى السياحه ويتخرب بيوتهم !! وننام ونصحى, ونصحى ونام واحنا بنسال هى روسيا هترجع السياحة امتى ؟؟ هو فى كده ؟ مش هى دى مصر ام الدنيا وملتقى القارات وبوابة العالم والحضارة وثلث آثار العالم و الأهرامات والمناخ المعتدل طوال العام والكثير والكثير !! والله عيب علينا !
كنا زمان لا نعترف بالسياحة الروسية وكنا نقول البلد مليانه روس ع القاضى ! وكانت السياحه الله يرحمها في الغردقة وشرم, نظام مواسم تقسم على مدار العام حسب الإجازات يعنى شهور موسم الألمان وشهور موسم الطلاينة وهكذا … كان زمان فى منتجات سياحية يدوية تصنع في الداخل وينبهر بها السائح مثل منتجات القطن المصرى عالى الجوده والخزف والنحت على الاوأنى والفخار والسجاد اليدوى وغير ذلك الكثير !! أما اليوم فجميع المنتجات صنع ف الصين !!
لازم يكون فىه بحث عن أسواق جديدة وعدم الاعتماد على الموجود الآن في الأسواق, وتسويق عالمى وإلا هيكون مرار طافح أكتر واكتر … لكى الله يا مصر
