جريدة أحوال مصر
سالى سيد هاشم فتاة مصرية طالبة فى مدرسة أعدادية فى طنطا لها ميول فى كتابة الشعر وعضو فى الأذاعة المدرسية فى مدرستها ومن وحى الواقع الأليم الذى تعيشه مصر فى تلك الأيام كتبت سالى قسيدة تعبر فيها عما تشعر به من أسى على وطنها وما تراه من ظلم بين من مؤسسة الرئاسة فى التقاعس عن أخذ حقوق الشهداء وقامت بألقاء القصيدة فى الأذاعة المدرسية وهو الأمر الذى جعل المديرة تتخذ ضدها أجراءات تعسفيه من طردها من الأذاعة المدرسية وتهديدها بالفصل من المدرسة وتحويلها للتحقيق ….وهنا السؤال كيف نربى أبناءنا وبناتا على الجبن وكيف تتدخل السلطة ايا كان نوعها فى حرية الفكر والأبداع
وتلك هى القصيدة :
حــس
حس يا سيادة الريس بينا
حس بالنار اللى والعة فينا
حس بشهيد حلمه ضاع
حس بقهرة أهالينا
ليك رب هتقابله.. طب هتقوله إيه؟ لما يسأل جنابك علينا
حــس
حس بشوارع مليها دم
حس بقهرة أب وأم
حس ببيوت جُواها هم
والقلوب مليها الغم
حس ببلد بتموت
وعز شبابها بيتسم
حــس
حس بجدع عياله جاعت
نزل يوكلهم فكرامته اتباعت
اتسحل واتعرى فى وسط حكومتك
وبعد ده كله حقوقه ضاعت
حــس
ده أنا المصرى ابن البلد
حلمى فى وسط الميدان اتولد
حلمى فى بلدى تعلى لفوق
وحلمى قدامى اتعرى واتجلد
حــس
يا سيادة الريس شرفك فين؟
لما اتعرى المصرى الهمام
لما اتسحل واستغليت إنه راجل جعان
وعاوز تكممه وتكتف عزته
وتهز بلدنا.. بلد الشجعان
لا مش هسكتلك ولا اسيبك تنهش
فى لحم بلدى زى زمان
حــس
ما أصلى خلاص م الموت معودتش بخاف
عارف الموت؟ عارف معناه؟
الموت أحلام بتموت وتضيع
الموت مش بس موت الحياة
الموت صديق عمر يروح
وصاحبه يتوه مجراه
الموت مش بس روح بتطلع
الموت ابن يموت وأمه م تقدر تنساه
الموت أب انكسر ظهره
ابنه كان ظهره وقواه
الموت يعنى مستقبل بيموت ويضيع
وتموت أحلامك وياه
حــس
حق اللى اتعرى يا ريس فين؟
ولا هو اللى عراه أصلا مين؟
اللى عراه ظلم وكدب
اللى عراه حكم مهين
اللى عراه ديابة ملهاش إحساس
اللى عراه كلاب مسعورين
اللى عراه سكوت.. اللى عراه جبروت
اللى عراه سلطة بتكسر عين
(حــس)
ورسالتى أخيرة لنظام جبان
نظام فاسد ملوش عنوان
لو همــوت
لو دمى منك يلاقى الجحود
وتهددنى بسجن ظلام
ولا لوجوده أى وجود
… مش هتسكت فيا الصوت..
… مش هتسكت فيا الصوت.
