جريدة أحوال مصر
رسمت بإيدى دايرتين
واحده بيضه ماليها سواد
و واحده سوده ماليها بياض
و سألت نفسى
هى مين أريح للعين ؟
و عشان أكون مع نفسى أمين
دخلت فبعض الدايرتين
علشان أشوف مين يغلب مين
لقيت سواد البيضه بيخف
و لقيت بياض السوده إغمق
كفة بياض السوده بيميل
و بقى البياض غالب عاللون
ماهو البياض أصل اﻷلوان
فدايره مرسومه و بتلف
تلاقى ألوانها بتخف
نستخدمه فتفتيح اللون
يبقى الخضار فاتح زرعى
أما السواد غامق و قميء
يبقى الزراق غامق كحلى
و إن جينا للشر و للخير
نرجع تانى الدايرتين
و ساعتها راح ترتاح العين
