جريدة أحوال مصر
لا طبعا مش مع ان الدنيا تتقلب علي فستان عريان ! ولا مع المحاكمات المستعجله و الجلسات السريعه للمحاسبه فى مثل هذه الأمور التافهه ! ولا مع ترك كل مشاكلنا و همومنا و بلاوينا السوداء و اللهث وراء قضيه عبثيه ! ولا مع الناس اللي متخيله اننا خلصنا كل ازماتنا تحكيما و حكما و مابقاش فاضل لنا إلا جلسة الفستان و محاكمة من إرتدته !
ده العبث فى أعلي درجاته !
ده الهزار البايخ !
ده الرفاهيه التى لا نملكها اصلا !
ده الفضا اللي بنحاول نلهى نفسنا بيه عن العمل الحقيقي اللي ليه فايده !
ده تعالي فى الهايفه و إتصدر !
ده مش لاقى شغل و لما صدقت لقيت !
أنا عايزه محاكمات سريعه و جلسات أسرع للمتحرشين اللي بيعروا الستات بالعافيه .. هما دول الفسق و الفجور الحقيقي علي ارض الواقع !
إنا عايزه قصاص سريع للمغتصبين من البالغين و القصر و للأطفال اللي قتلوا ضحيتهم !
أنا عايزه نفرة العروق اللي شوفتها ده تظهر فى مقاطعة صورة الفستان اللي خدشت حياءكم واللي لوثت اعينكم ، مش العكس يا متدينين يا محترمين يا بتوع غض البصر !
أنا عايزه الحميه الجهنميه القويه فى كل قضيه عرت المرأة المصريه و أهانتها و لوست سمعتها و دنست شرفها و جلبت العار للمجتمع كله !
شيزوفرانيا مجتمعيه فاضحه تلك التى كشفت عنها “قضية الفستان” !!
طبعا و قطعا ، مش مع كل هذا الذى حدث من جنان .. وبرده مش مع الفستان !!
أليس منكم رجل رشيد !!
